324             TESTAMENTS ENREGISTRÉS AU PARLEMENT DE PARIS          (564)
Jean,doyen, puis évêque de Meaux, et Gérard, seigneur de Cloyes. (Voy. Généalogies des Présidents au Parlement, p. 37.) L'une des filles, Jeanne du Drac, mariée à Philippe de Morvilliers, premier président du Parlement sous la domination an­glaise, fonda en 14.26 une chapelle à Saint-Martin-des-Champs.
A tous ceulx qui ces presentes lettres verront, les cheveciers de l'eglise parrochial de Saint Merry à Paris, salut en Nostre Seigneur. Savoir faisons que en la presence de nostre amé et feal Chapellain, messire Jehan Perrotin, prestre, nostre vicaire, et lieu tenant en ceste paitie, auquel en ces choses et en plus grandes adjoustons pleine foy, personnelment establi honnorable homme et sage, maistre Jehan du Drac, conseillier du roy nostre sire et president en son Parle­ment, enferme de corps, toutes voies sain de pensée et de vray propos et entendement, si comme il disoit et que de prime face apparoit, attendant et sagement considerant qu'il n'est chose plus certaine de la morine moins certaine de Feure d'icelle, laquele il desiroit prevenir par ceste maniere testamentoire, et, pour ce, pensant à la fin de sa vie, non voulant de ce siecle deceder intestat, mais de son po voir pourveoir au salut et remede de'son ame, et disposer et ordener de soy mesme et de ses biens que Dieu lui avoit donnez et adtnenistrez, de certaine scieuce et vray entendement fist, ordena et divisa son tes­tament et ordenance de derreniere voulenté, ou nom du Pere, et du Filz et du saint Esperit, en la forme et maniere qui s'ensuit :
Premierement, ii, comme bon catholique et vray Christian, recom­manda et recommande tres humblement et devotement" son ame, quant de son corps départira, à Nostre doulx Sauveur Jhesu Crist, à la benoite glorieuse Vierge Marie sa doulce mere, à monseigneur saint Michiel l'archange, à monseigneur saint Pierre et saint Pol, et à mon­seigneur saint Merry, son patron, à tous sains et sainctes, et general -ment à toute la benoite court et compaignie de Paradis, en requerant de Dieu le tout puissant son createur, pardon, indulgence et rémission de ses péchiez et mesfaiz, et que par nous ou par nos menistres lui feussent administrez les sacremens necessaires de Saincte Eglise.